«Կողմնորոշվելու ժամանակն է» ՄԻԱՎ-ի կանխարգելման ծրագրի շրջանակներում Հայկական Կարմիր խաչի ընկերությունը (ՀԿԽԸ) հայտարարում է լուսանկարչական աշխատանքների ցուցահանդես-մրցույթ «ՁԻԱՀ. գիտեմ, մտահոգ եմ, գործում եմ» խորագրով:
Ցուցահանդես-մրցույթի նպատակն է նպաստել ՄԻԱՎ վարակի կանխարգելմանն ու ՄԻԱՎ-ով ապրողների նկատմամբ խարանի և խտրականության նվազեցմանը:
Յուրաքանչյուր մասնակից կարող է ներկայացնել 3-ից 6 լուսանկար: Խնդրվում է լուսանկարներն ուղարկել բարձր որոկի՝ ցուցահանդեսի համար А3 չափի լուսանկար տպելուն համարմար:
Մրցութային աշխատանքները կգնահատվեն մասնագիտական ժյուրիի կողմից և լավագույն 3 աշխատանքների հեղինակները կարժանանան խրախուսական մրցանակների:
Ցուցահանդես-մրցույթին աշխատանքների ներկայացման վերջնաժամկետն է 2011թ. հունիսի 30-ը: Ցուցահանդես-մրցույթի արդյունքների հրապարակման օրվա մասին կտեղեկացվի լրացուցիչ:
Աշխատանքները կարող եք ներկայացնել ՀԿԽԸ կենտրոնական գրասենյակ, Երիտասարդական բաժին (հասցեն Պարոնյան 21/1) կամ ուղարկել photocontest.arcs@gmail.com էլ.հասցեին:
Մանրամասն տեղեկությունների համար կարող եք զանգահարել
(010) 53 86 03 կամ 094 24 20 23 հեռախոսահամարներով:
Ինֆորմացիոն հովանավոր
iPhoto.am լուսանկարչական ակումբ:
Սկիզբը՝ 2011-06-05 , Ավարտը՝ 2011-06-30